شفت أنا احلويت ازاي..؟
زي ما كلنا عارفين.. الجمال ده شيء نسبي
ممكن واحد يوصف واحدة انها جميلة و زي القمر.. و لما تشوفها تلاقيها عادية!! انما في وشها حاجة جميلة.. حاجة مريحة.. و تبتدي فعلا تصدق انها جميلة.. و زي القمر!! ؟
الجمال بيتأثر بالحالة المزاجية للشخص (يعني اللي نفسيتة مستريحة بيبقى أجمل من نفسه وهو متضايق او أعصابه تعبانة) و بيتأثر بنوعية الأكل كمان.. اللي بياكلوا خضار و ألياف بكثرة.. بتبقى بشرتهم صافية و مشرقة.. و الحب كمان بيأثر على الجمال..!!!!!!!!!؟
الشخص لما بيحب بتبقى معنوياته مرتفعة.. و مبسوط.. و شايف الدنيا حواليه جميلة (لأن الحب أحول ) و بيعمل جاهدا على انه يظهر في أجمل و أبهى صورة ليه.. و يا سلاااااااااام بقى لو حبيبه أثنى على جماله و حسن منظره... أفتكر عشان كدة نزار قال.. قولي أحبك كي تزيد وسامتي.. فبغير حبك لا أكون جميلا!!!؟
و بنفس المنطق... لما عرفت انك جاي شفت أنا احلويت ازاي (مع الاعتذار للمطربة لأني مش عارفة هي مين.. و بعتذر كمان لو الكلمات فيها لخبطة) !!؟
posted by bintbeladi at
8:13 PM
0 Comments:
Post a Comment
<< Home