ألف ليلة و ليلة

بلغني أيها الملك السعيد ذو الرأي الرشيد و العقل السديد.. أن هناك بلد تسمى مصر عاشت ألف عصر و عصر.. و حكمها حكام ملهمش حصر.. مرة يحكموها بالسياط .. فشعبها يصبح على المر و في المر يبات!! و مرة يحكموها بالسيوف.. و كل ما يقطعوا راس تصبح الروس ألوف..!! و مرة حكموها بالنبوت .. و كان لفتوتها قصر و بيوت.. و الناس مش لاقية تاكل.. مش مهم ما دام هو عايش مبسوط..!! و كل حكم من دول كان بيزيد شعبها صلابة.. مع انهم ناس طيبين و غلابة.. لكن معدنهم أصيل .. و قلوبهم ملهاش مثيل.. و في يوم حكمها واحد من ولادها.. الشعب فرح و قال ده يوم عيدها.. مكنش يعرف انه هيتقل خيرها.. و يتمص عودها.. و تتنهب كنوزها..!! و الشعب شايف.. لكنه ساكت و عايش.. يمكن عشان عارف.. ان الحكم عمره ما دام لا للسوط و لا للسيف و لا للنبوت..! ؟