قراءة في الأخبار
النهاردة قريت في الأهرام إن مصر هتستورد لحمة العيد من الصين و دول أخرى.. في الأول قلت يوووووه.. حتى اللحمة صيني..؟ و بعدين قلت يعني هي جت ع اللحمة.. مش يمكن لما ناكل لحمتهم نبقى زيهم.. أهي حاجة من ريحة الحبايب و السلام..؟ و بعدين قلت لنفسي طب و هنبقى زيهم إزاي.. هو كل من بلبط جوه المحيط قرموطي..؟
الخبر التاني اللي استوقفني خبر على البي بي سي.. بيقول إن مصر التحقت بالقايمة السودا للدول الأكثر عداء للانترنت.. و ده بسبب موقفها من المدونون.. فمصر قامت باعتقال 3 مدونون بسبب أرائهم الاصلاحية.. استنوا لينك الموضوع أهوه
مش عارفة الحقيقة مصر الحبيبة يوم ما تلتحق بقايمة تبقى قايمة سودا..؟
إيه الألوان الغامقة دي..؟
و لا أهي قايمة و خلاص يمكن بكرة تفتح الألوان و تزهزه.. بس أرفض اللون الشفتشي
posted by bintbeladi at
9:36 PM
2 Comments:
السلام عليكم
أهو كله لحمة يا ستي .. خلي الناس تاكل المهم يكون ضد الكسر
وبعدين حكاية القايمة السودة دي طبيعية ، احنا عايزينهم يدونا خبر لما يكون اسمها في القايمة البيضا
By
Anonymous, at 10:21 AM
و عليكم السلام
موضوع اللحمة ده مفروغ منه.. لأننا هنا بنتكلم في صحة المواطن اللي هي آخر حاجة مهمة في البلد
أما موضوع القايمة السودا.. يعني هما كانوا قالوا لنا عليها (آل يعني مكسوفين)ما احنا سمعناه من بره
و عايزهم يدوك خبر لما تبقى في القايمة البيضا.. أهو ده اللي مش ممكن أبدا..!! مش الخبر و انما القايمة البيضا
By
bintbeladi, at 3:42 PM
Post a Comment
<< Home