هم يضحك
صحيح.. صدق من قال.. هم يضحك و هم يبكي
اسمعوا بقى الهم اللي يضحك.. قال ايه معاقبة واحد بالسجن المشدد خمس سنوات لأنه قام بتقبيل فتاة عنوة في الشارع وسط ذهول المارة..!!؟
من إمتى الأدب اللي نزل علينا ده.. و من إمتى احترام القيم و الأخلاقيات..؟
طيب .. عاقبنا الواد اللي ينشك في دراعه ده قليل الأدب اللي ميختشيش..اللي الكيلو منه بقرشين.. جميل..! و ده عقاب رادع لكل من تسول له نفسه القيام بعمل مخل في الطريق العام..رائع!!؟
طيب الراجل بقى صاحب العبارة اللي مات بسببه ناس غلابة كتير.. ليه ده بقى ضربناه على ايده و قلناله كخ كدة يلله سافر على برة لحد ما نشوف حل للمصيبة دي!!؟
و لا الراجل التاني .. اليهودي على درجة وزير.. ليه مش عارفين ناحد منه لا حق و لا باطل..؟
و لا اكمن الواد الأولاني يعني مهواش يهودي و لا حوت كبير يبقى حلال فيه القصاص..!؟
عجبت لك يا زمن
ضحكتني و أنا مليش نفس..!!؟
آه.. حاجة كمان: يا ترى برضه هنبص للواد البايظ ده بعين الرأفة و نراعي مستقبله زي ما عملنا مع تامر الهربان من التجنيد..؟ و لا ّ ده واد تلفان و حلال فيه الخمس سنين اللي هياكلهم بالهنا و الشفا..؟
posted by bintbeladi at
1:02 PM
0 Comments:
Post a Comment
<< Home